TXIMISTA - Lekeitioko Atletismo Taldea - Tximistako Atletismo Albisteak.

Lekeitioko plaza jendez gainezka zela, XVII. Altuera Jauziko Txapelketa ospatu zen irailaren 4an.

Euskal Herriko atletarik esanguratsuenak hartu zuten bertan parte.

Beheko linkei jarraituz, aurtengo argazkiak eta baita beste ekitaldi batzuetako argazkiak ikus daitezke.

Arantza Morenok, Tximista taldekoak, Atletismoko kadete mailako Espainiako txapelketaren errekorra egin zuen.

Zapatuan, Atletismoko kadete mailako Espainiako txapelketa ospatu zen Iruñan. Bertan bi atleta eduki zituen Tximista taldeak eta lortutako emaitzak on onak izan dira.

Arantza Morenok jabalina jaurtiketan Espainiako txapelduna izan zen eta horrez gain Espainiako kadete mailako errekorra gainditu zuen 44,64 metroko jaurtiketa eginez. Aurreko errekorra 2003an egin zen, Burgosen, gaur egungo atleta nagusia den Maria Lujanek 43,65 metroko jaurteketa batekin, beraz, Arantzak metro bat kendu dio.
Zorionak.!!!

Ander Garciandiak, 600 m leunetako proban hartu zuen parte, marka ona egin zuen 1´29´´86, baina ez zen finalean sartu.

Tximistako atletek hainbat domina lortu dituzte, 3 urrezko, zilarrezko bat eta bi brontzezko...

Zapatuan, Durangon ospatutako kadete mailako Euskadiko txapelketan, Tximistako kadete-mailako neska-mutilek emaitza ikaragarriak lortu zituzten.

Bost izan ziren sailkatzeko markak lortu zituztenak eta finaletan ere euren gaitasunak argi geratu ziren. Euriak arratsaldeko probetan kalte handia egin zuen eta horregatik marka batzuk ez ziren hain onak izan.

Bakarrik Irati Barragan bueltatu zen domina barik, baina honek ere merezi izan zuen. 300 metro hesietan aurreazkeneko hesian jo zuen, oreka galdu zuen eta bigarren postutik laugarrenera joan zen. Sorte txarra baina horrelakoa da kirola.

Besteen emaitzak huexek izan ziren:

Arantza Morenok urrezko bi lortu zituen: xabalina jaurtiketan 42,69 metro jaurti zuen bere marka pertsonala gaindituz, beraz aurtengoko Espainiakoa ere bai berak daukalako eta pisu jaurtiketan 11,22m.

Ander Garciandiak 600 m leunetan brontzezkoa lortu zuen 1´30”06. denborarekin eta zilarrezkoa altuera jauzian 1,55 m.

Josu Egigurenek urrezkoa lortu zuen mailu jaurtiketan 28,38 metroko jaurtiketarekin eta pisu jaurtiketan laugarrena izan zen, 10,21m.

Iziar Lejerzegik brontzezkoa luzera jauzian, 4,55 m. Hau ere 100 m leunetan finalista izan zen 7. postua lortzen eta bere marka pertsonala gainditzen 13”28.

Bi lekutan jokatu zuten Tximistakoek asteburu honetan: alde batetik Lloret de Mar-en eta bestetik Bilbon.

Kataluniara Euskadiko selekzioarekin hiru kadete joan ziren: Josu Egiguren mailu jaurtiketan, Ander Garciandia 600 m leunetan eta Arantza Moreno xabalina jaurtiketan. Arantza Morenok berriro irabazi zuen txapelketa 39,60 metroko jaurtiketa eginez. Mutilak ez ziren sailkatu "A" finalerako eta "B-en" hartu zuten parte. Josu 13. postuan geratu zen eta Ander 12.ean. Pozik bueltatu ziren esperientziarekin eta egon zen giroarekin.

Bilbon bestalde, Zorrotzako pistan Bizkaiko absolutu mailako txapelketa izan zen. Azterketak zirela eta ez zen jente asko apunta baina egin zutenak ondo aritu ziren. Marka batzuk hobetu zituzten eta domina batzuk ere lortu zituzten.

Aipatzekoa da Iziar Lejarzegik lortu duena. Infantila izanda Bizkaiko absolutu mailako txapelduna izan zela, luzera jauzian, eta 100 m leunetan laugarren postua lortu zuen.
Beste bat aipatzekoa Olatz Egiguren izan zen. Bi marka hobetu zituen: altuera jauzian 1,60 m lortu zuen eta 100 metro hesietan 15”35. Bietan izan zen irabazlea.