TXIMISTA - Lekeitioko Atletismo Taldea - Tximistako Atletismo Albisteak.

"Txokolatezko dominak"

Ondo lehiatu zuten baina zapore txarragaz bueltatu dira Tximistako atletak Donostiatik.

Marka batzuk hobetu zituzten baina azkenean laugarren postuan geratu ziren Olatz Egiguren eta Asier Eizagirre.

Estatu mailan laugarrenak izatea ondo dago baina zapore txarra geratzen da domina hain urre daukazunean eta gutxigaitik ez baduzu lortzen.

Asierrek hobetu zuen bere marka pertsonala, 15,28 metroko jaurtiketa eginez, eta brontzezko eta zilarrezkoa dominak 15,46 eta15,49 metroko jaurtiketekin lortu ziren. Suerte eskasa…

Olatzek pentathloian hartu zuen parte eta berdindu zituen 60 metro hesietako (9"45) eta 800 m. leunetako markak( 2´40"), luzerakoa hobetu zuen (4,99m) baina pisu jaurtiketan (8,76 m) eta altuera jauzian (1,54m) ez zen fin ibili eta honen ondorioz laugarren postura joan zen 2.995 punturekin. Pena bat, baina lehiaketak horrelakoak dira.

Biak dira kirolari helduak eta hasi dira pentsatzen aire libreko txapelketan izango dela.

Ibone Hontoria 8. postuan geratu zen altuera jauzian eta pentathloian 11.ean. Marka batzuk hobetu zituen baina 800 m leunetan erretiratu behar izan zen.