TXIMISTA - Lekeitioko Atletismo Taldea - Tximistako Atletismo Albisteak.

Aurten XX. edizioko ikastetxeen arteko olinpiadak ospatu dira Lekeition. Aurtegoa, XIX. edizioa izango da.

Esan behar da giro bikainarekin ospatu dirala eta aurtengo ekitaldian ume askok hartu dite parte. Guztira 350 ume inguruk.

Kanporaketak maiatzak 14, 21 eta 28an ospatu ziren Larrotegiko pistan. Finala, bestalde, ekainaren 13an Lekeioko plazan ospatu zen

Behean agertzen dira aurtengo olinpiadetan parte hartu duten ume guztien emaitzak eta argazkiak. Kanporaketetan parte hartu dutenenak eta baita ere finalean ataratako emaitzak eta egun horretako argazkiak.

KANPORAKETEN EMAITZAK

FINALEN EMAITZAK

ARGAZKIAK

Eskolarren arteko txapelketetan parte hartu zuten neska mutilek oso denboraldi ona egin dute.

Benjamin mailan, miniatletismoan, asko izan dira parte hartu zutenak eta bai bakarka zein talde moduan lehenengo postuetan ibili dira Lekeitioko Eskolako taldeak.

Alebin mailan, berriro lortu dugu mutilen talde bat edukitzea eta oso ondo aritu dira. Bizkaiko txapelketan bigarren postuan geratu ziren.
Neskak 11. postuan geratu ziren baina kontutan eduki behar dugu denak izan direla lehenengo urtekoak. Oso talde ona da eta datorren urtean lehenego postuetan ibiliko dira.

Infantiletan - neskak bakarrik egon dira – Bizkaiko onenak izan ziren errelebo bietan ( 4 x 80 m eta 4 x 200 m) eta gainera bakarakoen mailan oso marka onak lortu zituzten. Aipatzekoak dira Iziar Lejarzegik lortutakoak: Bizkaiko irabazlea izan zen luzeran 4,87 metroko markarekin eta 80 metro leunetan 11,98 segunduko marka lortzen. Luzerakoa izan da Euskadiko bigarren markarik onena eta abiadura laugarrena. Bizkaiko onenak izan dira biak.

Iziar Lejarzegik eta Naia Uskolak Bizkaiko selekzioarekin parte hartu zuten Euskadiko Txapelketan. Iziarrek urrezko domina lortu zuen erreleboetan.

Datorren asteburuan Elkarte Autonomikoen arteko kadete mailako txapelketa izango da Katalunian eta han edukiko du Tximistak hiru ordezkari: Arantza Moreno jabalinan, Josu Egiguren mailuan eta Ander Garciandia 600 m leunetan.

Pasa den Zapatuan, lekeitioko atletek leku eta txapelketa ezberdinetan hartu zuten parte.

Alde batetik, goizean, Santurtzin, eskola-mailakoak Bizkaiko ikastetxeen arteko txapelketan egon ziren. Betiko lez giro oso ona sortu zen eta umeak eta baita gurasoak ere pozik itzuli ziren, opariak, emaitzak eta giro bikaina zela eta.

Alebin mailan, emaitzei dagokionez, denek bete zituzten beraien helburuak. Aipatzekoa da Mikel Gabiolak hesi-lasterketan irabazi zuela eta baita ere, mutilek, talde moduan, hirugaren postua lortu zutela.

Infantil mailan 4 x 80 metroko erreleboan irabazleak izan ziren. Indibidualetan bestalde, Iziar Lejarzegik irabazi zuen luzera-jauzian. Naia Uskola bigarren postua lortu zuen altuera jauzian eta azkenik, Leire Gezuragak eta Eneritz Goioganak hirugarren postua lortu zuten 80 m leunetan eta 80 metro hesietan.

Beste aldetik, federatu mailan, jubenilak eta juniorrak Anoetan egon ziren, Euskadiko txapelketan. Marka on batzuk lortu zituzten eta parte hartu zuten guztiek dominak lortu zituzten.

Junior mailan: Olatz Egigurenek hiru probatan hartu zuen parte eta hiruretan izan zen irabazlea. (100 m hesiak, altuera eta 400 m hesiak) eta Asier Eizagirre irabazlea izan zen pisu jaurtiketan.

Jubenil mailan Xabier Aboitizek hiru domina lortu zutuen (lehena mailu jaurtiketan, bigarrena xabalinan eta hirugarrena pisu jaurtiketan);
Malen Nicholson eta Esti Gabika hirugarrenak izan ziren altueran eta pisu jaurtiketan;
Ander Santos bigarrena 800 metro leunetan eta 400 metroetan;
Mario Afonso 200 m leunetan hirugarrena eta 400 metroetan ere hirugarrena;
Aiert Lertxundi bigarrena 2.000 m ostopoetan;
Andre Olmedo hirugarrena 100 m leunetan eta 200 m leunetan laugarrena.
4 x 400 metroko erreleboan hirugarren postua lortu zuten Olmedok, Lertxundik, Afonsok eta Santosek.

Bizkaiko Taldeen arteko absolutu mailako txapelketa.

Asteburuan, Durangon izan zen txapelketan Tximistako neskak eta mutilak lan ona egin zuten. Eguraldia nahiko ona izan zen marka onak egiteko eta horrela egin zuten Tximistakoek.

Goizean nesken txapelketa izan zen eta bigarren postua lortu zuten. Haietariko hiruk Euskadiko proba konbinatuetan parte hartzen zuten eta hori zela eta taldeari ezin izan zioten lagundu, bestela lehenengo postua lortzeko aukera erreala geneukan.

Erreleboko taldeek, 4 x 100 metrokoa zein 4 x 400 metrokoak zillarrezko domina lortu zute.

Arratsaldean mutilek laugarren postuan lortu zuten, puntu bat bakarrik falta zuten podiumean egoteko baina, 15 talde zirela kontutan hartuz, oso postu ona izan zen.

Proba konbinatuen Euskadiko txapelketa.

Hiru neska eta mutil batek hartu zueten parte. Denak lortu zuten domina eta hiru, urrezkoak izan ziren Mailaka:

Nesken Kadete mailako exathloia: Arantza Morenok lehenego postua lortu zuen.

Mutilen Jubenil mailako octathloia: Andre Olmedok lehenengo postua 3.234 punturekin.

Nesken Absolutu mailako heptathloia: Olatz Egiguren lehenengo postua eta Ibone Hontoria bigarrena. Hauek biak junior mailan ere irabazleak izan ziren.

Olatz Egigurenek lortutako marka, 4.105 puntu, Euskadiko azken hamarkadako markarik onena izan da. Puntu hauekin Espainiako Absolutu mailako txapelketan egoteko aukera edukiko du.

Datorren asteburuan, Donostian Junior eta Jubenil mailako Euskadiko txapelketa izango.